ΕΥΧΑΡΙΣΤΙΑ ΣΤΟ ΘΕΟ.

ΣΤΟΝ ΕΛΕΥΘΕΡΩΤΗ

ΑΠΟ ΤΗΝ ΕΠΑΡΑΤΗ ΔΟΥΛΕΙΑ.

 

«Κύριε ὁ Θεός ἡμῶν, ὁ τά σύμπαντα τῷ σῷ κράτει συνέχων καί τῇ θείᾳ σου καί πανσθενεῖ βουλῇ κυβερνῶν τόν κόσμον· ὁ ἑκάστῳ ἔθνει τάς ἰδίας ὁροθεσίας θέμενος, τό δέ εὐσεβές ἡμῶν ἔθνος ἐξαιρέτως εὐεργετήσας, την ἐπίγνωσιν τῆς σῆς ἀληθείας αὐτῷ χαρισάμενος και προς το φῶς τῆς ἀληθοῦς ἡμῶν πίστεως καθοδηγήσας, ἐξ αὐτοῦ δέ μεγάλους τῆς  Ἐκκλησίας Πατέρας  καί Διδασκάλους  ἀναδείξας, καί ἐλεύθερον μέν αὐτό ἐπί αἰῶνας διατηρήσας τῇ θείᾳ σου χάριτι, δουλωθέν δέ στηρίξας καί διασώσας καί εἰς ἐλεύθερον αὖθις βίον ἐξαναστήσας· Αὐτός, Πανάγιε Δέσποτα, πρόσδεξαι τάς εὐχαριστηρίους ἡμῶν δεήσεις ἐπί τῇ  ἀπελευθερώσει και τῇ Παλιγγενεσίᾳ αὐτοῦ. Και τάς μέν ψυχάς τῶν ὑπέρ  Πίστεως και Πατρίδος ἡρωϊκῶς ἀγωνισαμένων και ἐνδόξως  ἐν τοῖς ἱεροῖς ἡμῶν ἀγῶσι πεσόντων ἤ ὑπό τῶν πολεμίων ἀναιρεθέντων ἤ ἐν αἰχμαλωσίᾳ καί κακουχίᾳ ἀποθανόντων πατέρων καί  ἀδελφῶν ἡμῶν μετά τῶν ἀπ’ αἰῶνός Σοι  εὐαρεστησάντων ἀνάπαυσον· ἡμᾶς δέ πάντας  ἀξίους τῆς ἐλευθερίας ἀνάδειξον, ἐν εἰρήνῃ καί ὁμονοίᾳ  διατήρησον καί εἰς  πᾶν ἔργον ἀγαθόν καί Σοί εὐάρεστον καθοδήγησον. Τούς πιστούς ἄρχοντας ἡμῶν ἐν εἰρήνῃ και ὁμονοίᾳ διατήρησον, κατεύθυνον αὐτούς εἰς πᾶν ἔργον ἀγαθόν, στερέωσον αὐτούς εἰς τήν Ὀρθόδοξον Πίστιν, λάλησον ἀγαθά ἐν ταῖς καρδίαις αὐτῶν ὑπέρ τῆς Πατρίδος, ὑπέρ  τῆς Ἐκκλησίας Σου καί παντός τοῦ λαοῦ Σου. Σύ γάρ εἶ ὁ Βασιλεύς τῆς εἰρήνης και Σωτήρ τῶν ψυχῶν ἡμῶν, καί Σύ τήν δόξαν ἀναπέμπομεν, τῷ Πατρί καί τῷ Υἱῷ καί τῷ Ἁγίῳ Πνεύματι, νῦν καί  ἀεί καί  εἰς τούς  αἰῶνας τῶν αἰώνων. ΑΜΗΝ».